Turkmaniston prezidenti Serdar Berdimuhamedov mamlakat oziq-ovqat xavfsizligini ta’minlash uchun 300 million dollar ajratish haqidagi qarorni imzoladi. Bu haqda davlat rahbari hukumat va Xavfsizlik kengashining qo‘shma majlisida ma’lum qilgan. 

Xabarda keltirilishicha, bu mablag‘lar savdo va tashqi iqtisodiy aloqalar vazirligi va mahalliy tadbirkorlar o‘rtasida teng taqsimlanadi. Departament tomonidan zarur oziq-ovqat mahsulotlarini xarid qilish, tadbirkorlarga esa tegishli ishlab chiqarishlarni tashkil etish uchun mablag‘ ajratish ko‘zda tutilgan.

Qayd etilishicha, aholini oziq-ovqat bilan taʼminlash uchun qoʻshimcha mablagʻ ajratish taklifi Turkmaniston bosh vazirining iqtisodiyot boʻyicha oʻrinbosari Muhammetguli Muhammedov tomonidan kiritilgan.

• Prezident
• Turkmaniston
• oziq-ovqat