Turkmaniston prezidenti Serdar Berdimuhamedov mamlakatda milliy raqamli tarmoq yaratish to‘g‘risidagi qarorni imzoladi. Hujjat shanba kuni “Neytral Turkmaniston” gazetasida chop etilgan.

“Turkmanistonda internet tarmog‘iga ulanmagan avtonom milliy raqamli tarmoqni yaratish, shuningdek, ushbu ishlar bo‘yicha tizimli asosda chora-tadbirlar ko‘rish maqsadida Turkmaniston Prezidenti qarorni imzoladi, unga muvofiq ishchi komissiya tuzildi. Milliy raqamli tarmoqni shakllantirish konsepsiyasini ishlab chiqish va milliy raqamli tarmoqni yaratish loyihasini amalga oshirish maqsadida yaratilgan va uning tarkibi tasdiqlangan”, — deyiladi qarorda.

Avvalroq Turkmaniston tashqi ishlar vaziri Rashid Meredov mamlakatda avtonom milliy raqamli tarmoq yaratish taklifi bilan chiqqan edi.

• Internet
• Turkmaniston