Britaniyalik paleontologlar Uayt oroli (La-Mansh boʻgʻozi) dan topilgan dinozavr qoldiqlarini chuqur oʻrganib, uning avvallari fanga maʼlum boʻlmagan turga mansub ekanligini maʼlum qildilar. Yangi turga “Brighstoneus simmondsi” deb nom berildi.

Dinozavrning jagʻ qismida 28 ta tish saqlanib qolgan. Ularning shakli jonivorning oʻtxoʻr boʻlganidan darak beradi. Olimlar ushbu dinozavr turi boshqalaridan burunning noodatiy – dumaloqsimon shakli bilan ajralib turishini qayd etganlar.

Mutaxassislar dinozavrning yoshi 125 million yilga teng ekanligini maʼlum qilishgan. Qoldiqlar bundan 43 yil avval topilgan, ammo yetarlicha oʻrganilmagan.

Dinozavrning uzunligi 8 metr, ogʻirligi esa 900 kilogrammni tashkil qilgan.

• tabiat
• tadqiqot