Taom yetkazib berish bilan shugʻullanuvchi “Uber Eats” onlayn platformasi navbatdagi taom buyurtmasini toʻgʻridan toʻgʻri kosmosga yetkazib berishning uddasidan chiqdi.

Dimlangan goʻsht, qaynatilgan skrumbiya, dimlangan tovuq goʻshtidan iborat yetkazma Xalqaro kosmik stansiyadagi kosmonavtlarga Boyqoʻngʻir kosmodromidan turib joʻnatilgan va buyurtma 8 soat ichida stansiyaga yetib borgan.

“Kosmosga ilk yetkazmani eltib berish jarayoni muvaffaqiyatli yakunlangani tufayli yettinchi osmondamiz. Bizning maqsadimiz – odamlarning istalgan joygacha yetib bora olishlari va istalgan narsani qabul qilib olishlaridir”, deydi “Uber” rahbari Dara Xosrovshaxi.

Yetkazma kosmik sayyoh sifatida XKS tomon yoʻl olgan yapon milliarderi Yusaku Maedzava yordamida buyurtmachilar qoʻliga topshirilgan.

• Koinot
• qiziqarli