22°
Kechasi 10°
Rossiya Ukraina bilan muzokaralarni rad etmaydi. Biroq, Kiyev Maskvaga noreal va nomaqbul shartlarni ilgari surmoqda. Bu haqda Rossiya Federatsiyasi Tashqi ishlar vaziri Sergey Lavrov Indoneziyaning Bali shahrida bo‘lib o‘tayotgan G20 sammitida aytib o‘tdi.
“Zelenskiyning G20dagi nutqidan shunday xulosa kelib chiqadiki, u G‘arbning Rossiya bilan muzokaralar bo‘yicha hech qanday maslahatiga quloq solmaydi. Rossiya G‘arb Zelenskiyni intizomga solishdan manfaatdor ekanligining aniq dalillarini ko‘rmoqchi. Rossiya Federatsiyasi Ukraina bilan muzokaralarni rad etmayapti. Barcha muammolar har qanday muzokaralarni qat’iyan rad etuvchi va bu vaziyatda noreal va nomaqbul bo‘lgan shartlarni ilgari surayotgan Ukraina tomonida”,– deydi vazir G20 sammitida.
Shu bilan birga, Sergey Lavrov G20 doirasida Fransiya prezidenti Emmanuel Makron va Germaniya kansleri Olaf Shols bilan qisqa suhbatlar o‘tkazgan.
“Uchinchi dunyo davlatlari muammoni tinch yoʻl bilan hal qilishga, kelishuvlarga tezroq erishishga chaqirmoqda. Ular Ukraina bu jarayonni sekinlashtirayotganini yaxshi bilishadi, u (Zelenskiy) boshqa narsalar qatori Rossiya Federatsiyasi bilan muzokaralarni qonun bilan taqiqlab qo‘ygan. Shuning uchun muzokaralar haqidagi savolni bizga bermang, yaxshisi buni ularga berish kerak. Bugun men prezident Makron va Kansler Scholz bilan shu masalada gaplashdim, - deya qo‘shimcha qildi Lavrov.
Eslatib o‘tamiz, avvalroq Ukraina prezidenti Vladimir Zelenskiy davlatlar o‘rtasida Minsk kelishuvlaridek sulhga erishish mumkin emasligini aytib, tinchlik shartnomasi bo‘yicha muzokaralarni boshlash uchun o‘nta talabni ilgari surgan edi. Ular orasida Rossiya 1991-yildagi xarita bo‘yicha Ukraina chegaralaridan qo‘shinlarini to‘liq olib chiqishi ham bor.
Ma’lumot uchun, joriy yilning 30-sentabr kuni Volodimir Zelenskiy Vladimir Putin Rossiya prezidenti bo‘lsa, Ukraina tomoni u bilan muzokara qilishdan bosh tortishini ma’lum qildi. “Biz Rossiya bilan muloqotga tayyormiz, lekin Rossiyaning boshqa prezidenti bilan”, deb tushuntirgan edi o‘shanda Zelenskiy.
Rossiya-Ukraina muzokaralari may oyida to‘xtatilgan edi. Delegatsiyalarning so‘nggi yuzma-yuz uchrashuvi 29-mart kuni Istanbulda bo‘lib o‘tdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
