Ukrainalik jurnalist Dmitriy Gordon rus-isroillik milliarder Leonid Nevzlin bilan suhbatlashdi. Suhbat chog‘ida Gordon O‘zbekistonni Rossiyaga Eron dronlarini yetkazib berishda aybladi.
Gordonning soʻzlariga koʻra, Eron dronlari Eron, Iroq va Oʻzbekistonda ishlab chiqariladi. Ishlab chiqarilgandan so‘ng dronlar Rossiyaga jo‘natiladi.
Gordonning so‘zlaridan so‘ng rus-isroillik milliarder Leonid Nevzlin, Eron dronlarini ishlab chiqarish allaqachon Eronning o‘zidan tashqarida keng tarqalganligini ta’kidladi. Gordon suhbatdoshidan Isroilning Eron uchuvchisiz uchoqlari ishlab chiqarilgan joylarga hujum qilishi mumkinligini so‘radi.
Nevzlin O‘zbekiston haqida biror aniq narsa ayta olmasligini, uni betaraf va do‘stona davlat deb bilishi, yuzaga kelishi mumkin bo‘lgan oqibatlar haqidagi ogohlantirish respublikada dronlarni ishlab chiqarishni to‘xtatishga yordam berishini ta’kidladi.
Milliarderning soʻzlariga koʻra, “Eron va Iroqqa kelsak, u yerda dron ishlab chiqarish maydonchalariga hujumlar boʻlishi mumkin”.
Gordon Eron dronlarining O‘zbekistonda ishlab chiqarilishi haqidagi ma’lumotni qayerdan olgani hozircha noma’lum.
Leonid Nevzlin o‘zi kim?
Leonid Borisovich Nevzlin 1959-yil 21-sentyabrda Moskvada tug‘ulgan. Rus-isroillik tadbirkor, YuKOS neft kompaniyasining sobiq rahbarlaridan biri. 2001-yilda Rossiya yahudiylari kongressi prezidentlaridan biri bo‘lgan. 2003-yilda u Rossiya davlat gumanitar universiteti rektori bo‘lib ishlagan. Hozirda Isroilda yashaydi. U qotilliklarni tashkil etishda ayblanib, Rossiya sudi tomonidan sirtdan umrbod qamoq jazosiga hukm qilingan. Bu jazo chorasi Rossiya Federatsiyasi Oliy sudi tomonidan qo‘llab-quvvatlanadi. Bundan tashqari, u VNK aktsiyalarini o‘zlashtirgani uchun 6 yil qamoq jazosiga hukm qilingan. 2005 va 2008-yilda Rossiya hukumati Isroil hukumatidan Nevzlinni qotillik va qotillikka suiqasd va bir qator iqtisodiy jinoyatlarni sodir etganlikda ayblab ekstraditsiya qilishni so‘ragan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!