Joriy yil 8-avgust kuni Oʻzbekiston Respublikasi Tashqi ishlar vaziri v.b. Vladimir Norov Singapur Respublikasining mamlakatdagi Favqulodda va Muxtor Elchisi Zulkifli bin Baharudinni qabul qildi.

Diplomat Oʻzbekistonda amalga oshirilayotgan islohotlar, davlat va jamiyat hayotining barcha jabhalarida erishilayotgan yutuqlarga ijobiy baho berdi.

Suhbat chogʻida Oʻzbekiston-Singapur munosabatlarining turli sohalardagi dolzarb jihatlari muhokama qilindi.

Shuningdek, shartnomaviy-huquqiy bazani kengaytirish, xalqaro tashkilotlar doirasidagi saʼy-harakatlarni muvofiqlashtirish orqali aloqalarni faollashtirishni har tomonlama amalga oshirish zarurligi inobatga olindi.

Turli daraja va shakllarda rejalashtirilgan tadbirlar jadvali yuzasidan fikr almashildi.

Doʻstona va oʻzaro ishonch muhitida oʻtgan uchrashuv yakunlari boʻyicha ikki mamlakat xalqlari farovonligi yoʻlida barcha sohalarda aloqalarni yoʻlga qoʻyishda birgalikdagi saʼy-harakatlarni davom ettirish boʻyicha kelishuvga erishildi.

• Elchixona
• Singapur
• Vladimir Norov
• Yevropa