Bugun, 8-iyun kuni Nur-Sulton shahrida O‘zbekiston Respublikasi Tashqi ishlar vaziri vazifasini bajaruvchi Vladimir Norov “Markaziy Osiyo – Xitoy” shaklidagi uchinchi vazirlar uchrashuvi doirasida Turkmaniston Vazirlar Mahkamasi raisining o‘rinbosari, Tashqi ishlar vaziri Rashid Meredov bilan uchrashdi. Bu haqda vazirlik matbuot xizmati ma’lum qildi.
Qayd etilishicha, suhbat chog‘ida O‘zbekiston va Turkmaniston o‘rtasidagi ikki va ko‘p tomonlama hamkorlik kun tartibidagi keng ko‘lamli masalalar muhokama qilindi. Ikki davlat rahbarlarining siyosiy irodasi tufayli O‘zbekiston-Turkmaniston munosabatlari sifat jihatidan yangi bosqichga ko‘tarilgani ta’kidlandi.
Mamlakatlar o‘rtasidagi o‘zaro tovar ayirboshlash yuqori sur’atlarda o‘sayotgani alohida ta’kidlandi.
Oliy darajada erishilgan kelishuvlarni amalga oshirish, xususan, ikki tomonlama savdo-iqtisodiy, transport-kommunikatsiya, ilmiy-ma’rifiy, madaniy-gumanitar yo‘nalishlarda ustuvor loyihalarni ro‘yobga chiqarishga alohida e’tibor qaratildi.
Mintaqaviy hamkorlik istiqbollari, xalqaro tashkilotlar doirasidagi yaqin va samarali muloqotni davom ettirish masalalari muhokama qilindi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!