NASA “Xabbl” kosmik teleskopining ilmiy dasturini 2026-yilning yoz fasliga qadar uzaytirdi. Kelgusi bir necha hafta ichida yaqindagina yuz bergan nosozlik vaqtida observatoriyaning oʻchirib qoʻyilgan ilmiy uskunalari qaytadan ishga tushiriladi. Bu haqida NASA kosmik agentligi maʼlum qildi.

Bugungi kunda “Xabbl” kosmik teleskoplar orasida ishlash davomiyligi boʻyicha rekordchi hisoblanadi. U 31 yildan beri Yer orbitasida tadqiqotlar olib borish bilan shugʻullanadi. Shu kunga qadar uning yoniga shattllarda astronavtlar yuborilgan va ular teleskopni bir necha marta taʼmirlab qaytishgan.

Teleskopning ayrim detallarida nosozliklar kuzatilayotganiga qaramay, u haligacha ishlashda davom etmoqda.

NASA “Xabbl” teleskopining ilmiy dasturini yana 5 yilga uzaytirishi natijasida loyihaning qiymati 2,4 milliard dollarga oshgan.

• Koinot
• NASA