“Barselona” jamoaga yangi tayinlangan murabbiy qo‘l ostida qishda bir qator transferlarni amalga oshirishni mo‘ljal qilgan.

Shunga qaramay og‘ir moliyaviy ahvol bunga imkon bermasligi mumkin. Gap shundaki, klub hali qarzlarining katta qismini yopganicha yo‘q, bu esa ularni yangi o‘yinchilar uchun sarf-xarajatlar ustida qaytadan jiddiy o‘ylab chiqishga majbur qiladi.

ESPN tarqatgan ma‘lumotlarga ko‘ra, Xavining qishda tarkibni kuchaytirish uchun ixtiyorida bor-yo‘g‘i 10 million yevro bo‘ladi.

Natijada, “ko‘k-anorranglilar” vaziyatdan chiqib ketish uchun o‘z futbolchilarini turli klublarga ijara asosida taklif qilishni rejalashtirmoqda. Shuningdek, boshqa jamoalardan ijaraga futbolchilarni xarid qilish ham ko‘zda tutilgan.

Eslatib o‘tamiz, avvalroq “Manchester Siti” vingeri Rahim Sterling, shuningdek, Ispaniya terma jamoasi vakillari Dani Olmo hamda Ferran Torreslar Kataloniya klubiga faol ravishda jalb etib kelingan edi.

• Futbol