Xitoy oʻz taykonavtlarini 2030-yilga qadar Oyga yuborishni reja qilyapti. Bu haqida Xitoyning kosmik texnologiyalar akademiyasi texnik maslahatchisi Ye Peyszyan maʼlum qildi.
“Shaxsan mening oʻylashimcha, Oyga odam yuborish missiyasiga doir texnologik jarayonlar taraqqiyoti davom etar ekan, Xitoy taykonavtlari Oyga 2030-yildan oldinroq parvoz qilishlari mumkin”, deydi Ye Peyszyan.
Bundan bir muddat avval Xitoy oʻz taykonavtlarini 2030-yilda Oyga yuborishni reja qilgani, ular bu yerda tadqiqot bazasini qurishlari haqida maʼlum qilgandi. Taykonavtlar taxminiy qoʻnish joyi sifatida Quyosh nuri nisbatan koʻproq tushadigan, muz zaxirasi mavjud boʻlgan Janubiy qutbni tanlab olganlar.
NASA agentligi esa aksincha, oʻz astronavtlarini 2025-yilga qadar Oyga yuborishni reja qilgan. NASA rahbari Bill Nelson Qoʻshma Shtatlar astronavtlarini Oyga Xitoydan avval yuborish uchun bor imkoniyatlarni ishga solishini maʼlum qilgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!