Xitoy rahbari bugun, 7-yanvar kuni Qozog‘iston prezidenti Qosim-Jomart To‘qayevga Qozog‘istonda sodir bo‘lgan tartibsizliklar munosabati bilan og‘zaki murojaat yo‘lladi.
Si Szinpin Tokayevga yo‘llagan maktubida Xitoy Qozog‘istonda tartibsizliklar va “rangli inqilob”ni qo‘zg‘atayotgan tashqi kuchlarga qarshi ekanligini aytdi.
O‘zining og‘zaki murojaatida Si Szinpin so‘nggi kunlarda Qozog‘istonda sodir bo‘lgan tartibsizliklar natijasida huquqni muhofaza qiluvchi organlar tarkibidagi ko‘p qurbonlar, mulkka zarar yetkazilgani munosabati bilan hamdardlik bildirdi.
“Muhim pallada siz tezda osoyishtalikni tiklab, ta’sirchan choralar ko‘rdingiz. Bu sizning siyosatchi sifatidagi burch va mas’uliyatingiz, davlat va xalq oldidagi katta mas’uliyatingizni namoyon etadi”, – degan u.
Si Szinpin Xitoy tomoni Qozog‘istondagi barqarorlikka har qanday kuchlar tomonidan putur yetkazilishiga va mamlakat xavfsizligiga tahdid solishiga, Qozog‘iston xalqining tinch hayotiga har qanday kuchlar tomonidan putur yetkazilishiga, tartibsizliklar va “rangli inqilob”ni qo‘zg‘atayotgan har qanday tashqi kuchlarning harakatlariga qarshi turishini ta’kidladi.
“Har qanday xavf va qiyinchiliklarga qaramay, Xitoy Qozog‘istonning ishonchli do‘sti va ishonchli hamkori bo‘lib qoladi, Xitoy xalqi hamisha Qozog‘iston xalqi tomonida bo‘ladi”, – dedi Xitoy rahbari.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!