Xitoy rahbari Si Szinpin va AQSh prezidenti Jo Bayden bugun, 14-noyabr kuni Indoneziyada bo‘lib o‘tayotgan G20 sammiti doirasida yuzma-yuz uchrashishdi. Bu haqda Sinxua axborot agentligi xabar berdi.

Qayd etilishicha, bu Bayden Qo‘shma Shtatlar prezidenti lavozimini egallaganidan keyin Si Szinpin bilan birinchi yuzma-yuz uchrashuvi bo‘ldi. Ular oxirgi marta 2015-yilda Si Szinpinning AQShga tashrifi chog‘ida shaxsan uchrashishgan.

Oktyabr oyi oxirida Bayden Si Szinpin bilan muzokaralarda boshqa dunyo yetakchilaridan ko‘ra ko‘proq, ya’ni 78 soat vaqt sarflaganini ta’kidladi. Shu bilan birga, uning so‘zlariga ko‘ra, yig‘ilgan muzokaralar vaqtining bir qismi Baydenning AQSh vitse-prezidenti lavozimidagi faoliyatiga to‘g‘ri kelgan.

Bayden Qo‘shma Shtatlar Prezidenti bo‘lganidan so‘ng, u Oq uy rahbari sifatida Si Szinpin bilan ikkita telefon suhbati, shuningdek, videokonferentsiya orqali ikkita uchrashuv o‘tkazdi.

• AQSh
• Bayden
• G20
• Indoneziya
• Si Szinpin
• Xitoy