Xitoyda mahalliy bozorda 14 500 dollar ( taxm. 150-160 mln. so‘m) turadigan yangi byudjetli “Geometry E” elektromobilining taqdimoti bo‘lib o‘tdi. Ushbu kichik mashina o‘z segmentida yetakchilardan biriga aylanishi mumkin. “Geometry” brendi “Geely” konserniga tegishli.

Qayd etilishicha, “Geometry E”ning asosiy savdo nuqtalari uning zamonaviy ko‘rinishi, g‘aroyib faralar va orqa chiroqlardir. Uning ichki qismi ikkita katta ekran, USB portlardan iborat zamonaviy ko‘rinishga ega. Mashinaning uzunligi 4 metrdan biroz ko‘proq.

“Geometry E” modeli “Vision X3” kabi “Geely”ning ixcham benzinli modellari qurilgan ancha eski platformaga asoslangan. Ammo bu yerda ichki yonuv dvigateli o‘rniga 81 ot kuchiga ega elektr motor ishlatiladi.

Modelning asosiy versiyasi 33,5 kVt/soat quvvatga ega akkumulyator bilan jihozlangan, bu esa 320 km masofani bosib o‘tish uchun yetarli. “Geometry E”ning qimmat konfigurasiyasi esa 39,4 kVt/soat batareya bilan jihozlangan bo‘ladi. Ishlab chiqaruvchilarning ta’kidlashicha, u 401 km masofani bosib o‘tish uchun yetarli bo‘ladi.

• Avtomobil
• Elektromobil
• Xitoy