Sayyoramizda hech kim yashamaydigan va koʻchib oʻtishni xohlamaydigan koʻplab tashlandiq joylar mavjud. Odatda odamlar sivilizatsiya imkoniyatlarining yoʻqligi yoki ish joylari tufayli qishloqlardan shaharlarga koʻchib ketishadi. Xitoyda esa tashlandiq holga kelgan katta shaharlar ham bor!
Xitoyliklar qaysi shaharlarda yashashni xohlashmaydi?
Koʻp hollarda aholi qishloqlarni tashlab, shaharlarga koʻchib ketishga harakat qiladi. Natijada qishloq joylar boʻshab qoladi, megapolislar esa aksincha, aholi bilan toʻlib ketadi. Xitoydagi baʼzi shaharlarni odamlar tashlab chiqib ketgan, hech kim bu yerlarda yashashni istamaydi.
Tashlandiq aholi punktlariga quyidagilar kiradi:
• Sishuan;
• Kangbashi;
• Temza-Taun;
• TyanDuchen.
Ularning hammasi ham butunlay boʻsh emas, baʼzilarida odamlar yashab kelishadi. Lekin ularning soni 10 foizdan ham oshmaydi. Xitoyliklarning bu shaharlarda yashashni istamasliklariga bir nechta sabablar bor.
Shaharlarni tashlandiq holatga keltirgan sabablar
Sishuan shahri odamlari bu yerdagi ob-havo sharoitiga koʻnika olishmagan, chunki shahar choʻlning oʻrtasida joylashgan. Temza-Taun xitoyliklarga meʼmoriy yechimlari tufayli yoqmagan. Bu yerdagi uylarning hammasi bir qavatli qilib qurilgan. Koʻp qavatli uylarda yashashga oʻrganib qolgan xitoyliklar bunday oʻzgarishni qabul qila olishmagan.
Kanbashi shahri juda katta maydonga ega, bu yerda bir milliondan koʻproq odam yashashi mumkin. Hozir esa shaharda yashaydigan odamlarning soni 30 000 tadan koʻp emas. Shaharning infratuzilmasi rivojlangan, har qanday did egasiga mos keladigan uylar, jumladan koʻp qavatli binolar ham qurilgan. Lekin, shaharda ishsizlik muammosi bor, shuning uchun ham odamlar doimiy yashash joyi sifatida hech qachon bu yerni tanlashmaydi.
TyanDuchen shahrini mahalliy odamlar Xitoydagi Parij deyishadi. Shahar arxitekturasi juda chiroyli, uning shaxsiy Eyfel minorasi ham bor. Lekin, turarjoy narxlari juda qimmat, sharoitlar narxga yarasha talabga javob bermaydi.
Yangi shaharlarning juda tez qurilishi
Xitoy – iqtisodiyoti rivojlangan mamlakat, u yangi megapolislarni qurish uchun yetarli pul mablagʻlariga ega. Mamlakatdagi shaharlar shu qadar tezlik bilan qurilyaptiki, xitoyliklar yangi shaharlarga koʻchib oʻtishga ulgurishmayapti.
Tashlandiq aholi punktlari dunyoning turli mamlakatlaridan kelgan sayyohlarni oʻziga jalb qiladi. Shuning uchun ham hukumat arvoh-shaharlarni buzib tashlashga shoshilmayapti.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!