Xitoydan dinozavrlarning 100 million yillik izlari topildi. Ularni Leshan viloyatidagi restoranlarning biriga tashrif buyurgan mehmon payqab qolgan.
Topilma haqida zudlik bilan olimlarga xabar berilgan. Mutaxasssislar izlarni o‘rganib chiqish natijasida ular erta bo‘r davrida yashagan ikkita zauropodga tegishli ekanligini ma’lum qilishgan.
Zauropodlar sayyora tarixidagi quruqlikda hayot kechirgan eng yirik mavjudotlar hisoblanadi. Ular asosan o‘t-o‘lan bilan oziqlangan, uzun bo‘yni va dum sohasi bilan boshqalardan ajralib turgan. Leshan viloyatidan izlari topilgan zauropodlarning tanasi uzunligi o‘rtacha 8 metr bo‘lgani aytilmoqda.
Xitoyda so‘nggi yillar ichida qurilish ishlari jadallashgani qadimiy mavjudotlarning izlari yo‘qolib ketishiga sabab bo‘lyapti. Restorandagi izlar esa tasodif tufayli saqlanib qolgan. Avvallari bu yerda parranda fermasi bo‘lgan, izlar esa loy va qum qatlami ostida qolib ketgan. Aynan mana shu narsa uning saqlanib qolishiga sabab bo‘lgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!