Xitoylik arxeologlar Shan sulolasi davrida tiriklayin koʻmib yuborilgan askarlar qabrini topishdi. Ularning miloddan avvalgi 1600-1046 yillarda koʻmilgani taxmin qilinmoqda. Aynan mana shu davrda Xitoyda Shan sulolasi vakillari hukmronlik qilishgan.
24 nafar askarga tegishli boʻlgan qabrlar Shan sulolasi davrida Xitoy poytaxti boʻlgan In shahri yaqinidagi qadimiy Anyan shahri hududidan topilgan.
Askarlar harbiy aravalar va otlar bilan birga jangovar kiyimlarda dafn etilgan. Jangchilarning boshidagi dubulgʻalarga chigʻanoqlar bilan bezak berilgan, otlarning peshona qismidagi bezaklar esa oltin va bronzadan ishlangan. Arxeologlar hududga dafn etilgan askarlar aravalarga bogʻlangan holatda tiriklay koʻmilgan degan xulosaga kelishgan.
Maʼlum qilinishicha, Shan sulolasi davrida xoʻjayinlar oʻlimidan keyin uning xizmatchilari va askarlarini tiriklayin koʻmish odatiy hol hisoblangan. Bu askarlar va xizmatchilarning oʻz xohishlariga koʻra amalga oshirilgan.
Anyan shahri arxeologlari hududni 2 yildan beri oʻrganishadi. Mutaxassislar bu yerdan jangchilarga tegishli qabrlardan tashqari nefrit, chigʻanoq va suyakdan ishlangan tarixiy buyumlarni ham topishgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!