Dortmundning “Borussiya” klubi hujumchisi Erling Xoland Bundesliga doirasida “Frayburg”ga qarshi oʻyinda (5:1) dubl qayd etdi.

Norvegiyalik uchun bu gollar klubdagi uchun joriy mavsum barcha musobaqalardagi 20 va 21-gollari boʻldi.

Xolanddan tashqari Robert Levandovski (“Bavariya”, 31 gol), Karim Benzema (“Real”, 23 gol) va Muhammad Saloh (“Liverpul”, 23 gol) klub uchun joriy mavsum TOP-5 ligalarda 20 va undan ortiq gol urishga muvaffaq boʻldi.

Shuningdek, Xoland “Borussiya” safida 77 ta oʻyinda 78 ta gol urishga muvaffaq boʻldi.

Maʼlumot uchun, 12 oʻyinda 15 ta gol urgan norvegiyalik hujumchi Bundesliga toʻpurarlari roʻyxatida 3-oʻrinda bormoqda. Undan oldinda esa 20 ta gol bilan faqatgina “Bavariya” hujumchisi Robert Levandovski va 17 ta gol rgan “Bayer” aʼzosi Patrik Shik oʻrin olgan.

• Futbol
• Xorij