Taniqli xonanda Selin Dion muxlislariga videomurojaat yoʻllab, yaqin kunlardagi gastrol safarlarini bekor qilishi, bunga davosiz dardga chalingani sabab ekanligini aytib oʻtdi.
54 yoshli xonandaga mushaklar tarangligi sindromi tashxisi qoʻyilgan. Shu tufayli xonanda mushaklarda doimiy ravishda ogʻriq sezadi, bu esa uning harakatlanish imkoniyatlarini cheklab qoʻygan. Ushbu sindromga chalingan inson avtomobil boshqarish imkoniyatidan mahrum boʻladi, bir yerda tinch oʻtirolmaydi. Shifokorlar Selin Dionga kuylash va sahnada chiqishni ham taqiqlashgan.
“Uzoq vaqt davomida salomatligimdagi muammolardan aziyat chekdim, buni qabul qilishim, boshimdan oʻtayotgan voqealar haqida soʻzlab berishim qiyin kechdi... Menga “Mushaklar tarangligi sindromi” tashxisi qoʻyildi. Ushbu kasallik million nafar odamdan bittasida uchrar ekan”, – deydi xonanda.
Ijodkor oʻz faoliyatini 2023-yilning bahor faslidan qayta tiklashni reja qilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!