Urganchda ishga kiritib qo‘yish evaziga pul talab qilgan shaxs ushlandi. Bu haqda IIV axborot xizmati xabar berdi.

Joriy yilning 30-avgust kuni IIV Transport va turizm ob’yektlarida xavfsizlikni ta’minlash departamenti Xorazm viloyat bo‘limi boshlig‘i nomiga S.S. ismli shaxs ariza bilan murojaat qilib, Urganch temir yo‘l tashkilotida ishlovchi A. ismli shaxs o‘zining mansabdor tanishlari orqali uni temir yo‘l idoralaridan biriga ishga kiritib qo‘yish evaziga 3 000 AQSH dollari miqdorida pul talab qilayotganligini yozib, unga nisbatan qonuniy chora ko‘rishni so‘ragan.

Arizaga asosan o‘tkazilgan tadbir davomida 1996-yilda tug‘ilgan, Xorazm viloyati Urganch tumanida yashovchi R.A. arizachi fuqaro S.S.dan oldindan kelishilgan 3 000 AQSH dollar pullarni Urganch shahridagi “Javohir” choyxonasida olgan vaqtda ushlangan.

Mazkur holat yuzasidan IIV Transport va turizm obyektlarida xavfsizlikni ta’minlash departamenti tomonidan tergovga qadar tekshiruv harakatlari olib borilmoqda.

• IIV
• Jinoyat
• Korrupsiya
• Xorazm