Avstraliyaning milliy universiteti olimlari tomonidan oʻtkazilgan tadqiqot asr oxiriga kelib dunyodagi 1500 ta til yoʻq boʻlib ketishi mumkin ekanligini koʻrsatdi.
Olimlarning aytishlaricha, bugungi kunda rasman tan olingan 7000 ta tildan teng yarmi yoʻqolib ketish xavfi ostida turibdi. Tadqiqot mualliflari tillarning “oʻlishi”ga olib keluvchi bir qator omillarni koʻrsatib oʻtishgan.
Mutaxassislar bu holatning oldini olish maqsadida maktablarda ikki tilli taʼlimni qoʻllab-quvvatlash, davlat tilidan tashqari, mahalliy tillarga ham eʼtibor qaratilishi kerakligini taʼkidlashgan.
Mahalliy tillardan ayrilishi kutilayotgan mamlakatlar orasidagi yetakchilik Avstraliyaga tegishli boʻlib turibdi. Mustamlakachilik davriga qadar bu yerlik aholi vakillari 250 dan ortiq tillarda muloqot qilishgan, hozirda esa ushbu koʻrsatkich 40 taga tushib qolgan.
Tadqiqotchilar tillarni saqlab qolish uchun hech qanday chora koʻrilmaydigan boʻlsa, kelgusi 40 yil ichida ularning yoʻq boʻlib ketishi jarayoni tezlashishi, asr oxiriga kelib 1500 ta til yoʻq boʻlib ketishini aytishgan. Olimlarning taʼkidlashlaricha, har bir tilning yoʻqotilishi insoniyatning madaniy xilma-xilligini ham yoʻqotish demakdir.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!