Yaponiyalik mutaxassislar 2022-yilda yogʻochdan yasalgan dunyodagi ilk sunʼiy yoʻldoshni kosmosga chiqarish bilan bogʻliq texnik tajriba oʻtkazishni rejalashtiryaptilar. Noodatiy apparatni tayyor holatga keltirish bilan Kioto universiteti va “Sumitomo Forestry” kompaniyasi mutaxassislari shugʻullanadilar.
Maʼlum boʻlishicha, joriy yilning fevral oyida astronavt Takao Doi Xalqaro kosmik stansiyadagi tashqi tadqiqot moduliga yogʻochning turli navlaridan tayyorlangan taxta panellarni biriktirib qoʻyadi va ularning ochiq kosmos sharoitiga nisbatan qanchalar chidamli ekanligini oʻrganadi.
Tadqiqot davomida mangoliya, yamadzakura sakurasi, shuningdek tosh qayindan tayyorlangan namunalardan foydalaniladi. Panellar ochiq kosmos sharoitida 9 oy qoldirilgandan keyin sunʼiy yoʻldoshning aynan qanday turdagi yogʻochdan yasalishi hal etiladi.
Yogʻochdan yasalgan sunʼiy yoʻldoshni Yer orbitasiga chiqarish 2023-yilga rejalashtirilgan. U har bir tomoni 10 santimetrga teng keladigan kub shaklida boʻladi. Zaruriy qurilmalarning barchasi kub ichiga joylashtiriladi, tashqi tomoni esa quyosh panellari bilan qoplanadi.
Mutaxassislar ushbu tajriba orqali yogʻoch kosmik apparatlar ishlab chiqarish uchun ekologik toza xomashyo sifatida mos kelishi yoki yoʻqligini tekshirib koʻrishmoqchi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!