Yaponiyaning “Panasonic” korporatsiyasi oʻz xodimlariga 4 kunlik ish haftasiga oʻtishni tavsiya qilayotgan kompaniyalar qatoriga qoʻshildi. Korporatsiyaning bosh ijrochi direktori Yuki Kusumi bu xodimlarning ish va shaxsiy hayot masalasidagi oltin oʻrtalikni topishlariga yordam berishi haqida aytib oʻtgan. Kompaniya shuningdek, xodimlarning hafta davomida masofadan turib ishlashlariga ham ruxsat beradi.
Korporatsiya ushbu qarorini xodimlarning salomatligini yaxshilash, ularga shaxsiy qiziqishlari, xobbi, qoʻshimcha daromad olish usullari, rivojlanish, oʻqib-oʻrganish uchun ham vaqt qoldirish maqsadida qabul qilgan. Ayni vaqtda Yaponiya ish tartibining kutilgan natijani bermayotgan shaklidan voz kechish va tizimni isloh qilishga urinmoqda. Yevropa mamlakatlaridan namuna olgan Yaponiya xodimlarning haftasiga toʻrt kun ishlashlari samaradorlikni oshirishi, fuqarolarning ish va shaxsiy hayotlari oʻrtasidagi muvozanatni topishga yordam berishidan umid qilmoqda.
Bugungi kunga qadar Yaponiyadagi yirik kompaniyalarning 8 foizi 4 kunlik ish haftasiga oʻtgan. Kompaniyalar tomonidan kichik yoshdagi bolalar va keksa oila aʼzolari bor xodimlar uchun qoʻshimcha dam olish kunlari ham ajratilgan.
4 kunlik ish haftasi bilan bogʻliq tajribalar turli mamlakatlarda ish samaradorligining oshishi, xodimlarning ruhiyati bilan bogʻliq muammolar – surunkali charchoq, stressning kamayishiga olib kelishini koʻrsatgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!