“Fiorentina” hujumchisi Dushan Vlahovich “Yuventus”ga oʻtishga yaqin turibdi.

Turin klubi 21 yoshli futbolchi bilan shaxsiy shartnoma shartlarini kelishib oldi. Bu haqda La Gazetta dello Sport xabar bermoqda.

Manbaning maʼlum qilishicha, serbiyalik hujumchi yanvarda yangi jamoasiga oʻtmoqchi.

Futbolchiga “Arsenal” ham qiziqish bildirmoqda, biroq Vlahovich “kanonirlar”ga oʻtishni istamayapti, lekin futbolchiga yiliga 7 million yevro maosh taklif qiladigan “Yuventus” bilan shartnoma imzolashga bel bogʻlagan.

Oldinroq “Fiorentina” Vlahovichni “Yuventus”ga 35 million yevro va Deyan Kulusevski evaziga sotishdan bosh tortgani xabar qilingan edi.

Maʼlumot uchun, 70 million yevroga baholanayotgan Vlahovichning shartnomasi 2023-yilda yakuniga yetadi.

• Futbol
• Xorij