Yevropa Ittifoqi inson huquqlari buzilgani uchun Eronga nisbatan qo‘shimcha cheklovlar joriy qilmoqda.

Bu haqda DPA agentligi bir necha diplomatlarning Bryusselda bo‘lib o‘tgan Yevropa Ittifoqi kengashi yig‘ilishidagi bayonotiga tayanib xabar bermoqda.

“Yevropa Ittifoqi davlatlari inson huquqlarining jiddiy buzilishi tufayli Eronga qarshi qoʻshimcha sanksiyalar joriy qilmoqda”, - deyiladi agentlik ijtimoiy tarmoq sahifalarida.

Avvalroq Germaniya tashqi ishlar vaziri Annalena Burbok Yevropa Ittifoqi inson huquqlari buzilgani uchun Eronga qarshi navbatdagi sanksiyalar to‘plamini joriy etish niyatida ekanligini ma’lum qilgandi.

Bungacha Eronda ikki namoyishchini ommaviy ravishda dorga osgani xabar qilingan. Qatl etilganlardan biri Majidrizo Rahnavard huquq-tartibot idoralarining ikki xodimi va yana to‘rt nafarini pichoqlab o‘ldirgan va yana to‘rt kishini jarohatlaganlikda ayblangan.

• Eron
• Yevropa Ittifoqi