Bugun, 22-dekabr kuni Toshkent shahar sudida shoir Yoʻlchi Roʻziyev va xonanda Yulduz Usmonova oʻrtasidagi apellyatsiya sud ishi boʻlib oʻtdi. Sudda Yulduz Usmonovaning oʻzi ishtirok etmagan.
Yoʻlchi Roʻziyev sudda OAV vakillarining ishtirok etishlarini iltimos qilgan, ammo Usmonovaning advokati bunga rozi boʻlmagan. Apellyatsiya sudlov hayʼati shoirning iltimosnomasini rad etgan.
Yulduz Usmonovaning advokati xonanda Yoʻlchi Roʻziyevning sheʼrini qoʻshiq qilib aytganidan keyin uning tanilgani, ungacha shoirni hech kim tanimagani haqida taʼkidlagan. Shoir esa advokatning bu soʻzlariga eʼtiroz bildirgan.
Sudda Usmonova tomonidan taklif qilingan 3 nafar guvoh ham ishtirok etgan, sud har ikki tomondan taqdim etilgan videoyozuvlarni oʻrganib chiqish uchun tanaffus eʼlon qilgan va navbatdagi sud jarayoni 2022-yilning 11-yanvar kuniga qoldirilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!