“Yuventus” bosh murabbiyi Massimiliano Allegri A Seriyaning 23-turida “Milan”ga qarshi oʻyin oldidan oʻz fikrlarini bildirib oʻtdi.
“Bizda yaxshi davr bor, lekin yoʻl uzoq, hali koʻp oʻyinlar bor. Jadvalda “Milan”dan ortdamiz va bugun yaxshi oʻyin boʻladi. Bu muhim uchrashuv, shu sababli yaxshi oʻynashimiz kerak.
“Milan” bir yarim yilni ajoyib oʻtkazdi, biz Piolini hurmat qilishimiz kerak. Milanliklar Skudetto uchun kurashmoqda.
Fevral oyi oxirigacha yaxshi formaga kirishimiz kerak. Biz hali chempionlik haqida oʻylay olmaymiz — bu maʼnosiz boʻlardi. Biz yetakchilarni magʻlub etib, kuchli toʻrtlikka yetib olishga harakat qilyapmiz, shuning uchun ertaga buni amalga oshirish uchun imkoniyat boʻlishi mumkin.
“Milan” ishni toʻgʻri tashkil qildi, ular oʻyinchilarni toʻgʻri tanlashdi va endi ular gʻalaba qozonishmoqda, chempionlik uchun kurashmoqda”, — deydi Allegri.
Maʼlumot uchun, “Yuventus” – “Milan” uchrashuvi bugun, 23-yanvar kuni Toshkent vaqti bilan 00:45 da boʻlib oʻtadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!