Turinning “Yuventus” klubi himoyachisi Danilo jarohat olib safdan chiqdi. Bu haqda klub matbuot xizmati xabar beradi. 

30 yoshli futbolchi “Latsio”ga qarshi bahsda jarohat olgan edi. Tekshiruv natijasiga ko‘ra Daniloda son mushaklarining shikastlanishi aniqlangan. 

Qayd etilishicha, futbolchining tiklanishi uchun taxminan sakkiz hafta vaqt kerak bo‘ladi, ya’ni u yanvar oyining o’rtalariga qadar maydonga tusha olmaydi.

Ma’lumot uchun, 2021/2022-yilgi mavsumda Danilo “Yuventus” safida barcha musobaqalar doirasida 14 ta o‘yin o‘tkazdi hamda sheriklariga bitta samarali uzatmani amalga oshirdi.

Eslatib o‘tamiz, shanba kuni “Yuventus” safarda “Latsio”ni Leonardo Bonuchchining dubli evaziga 2:0 hisobida mag‘lub etgan edi.

• Futbol