“Yuventus” “Zenit” hujumchisi Serdar Azmunga qiziqish bildirmoqda.

Sky Sport Italiaʼning xabariga koʻra, eronlik futbolchi “Yuventus”ning asosiy varianti hisoblanadi. Kecha klublar transfer boʻyicha bogʻlanishgan, ammo muzokaralar hali boshlanmagan.

“Zenit”da moliyaviy qiyinchiliklar yoʻq, shu bois klub Azmunni amaldagi shartnoma muddati tugaguniga qadar oʻz safida saqlab qolmoqchi.

Ammo “Yuventus” transfer taklifi bilan chiqsa va “Zenit” Serdarga muqobil oʻrinbosar topsa, kelishuv amalga oshishi mumkin.

Bundan tashqari, Italiya klubi ijaraga berilishi mumkin boʻlgan “Barselona” hujumchisi Memfis Depayni taklif etish haqida ham oʻylamoqda. Oʻz navbatida bu “Yuventus”ning zaxira rejasi boʻlib turibdi.

Maʼlumot uchun, “Yuventus” ayni paytda Italiya A Seriyasi turnir jadvalida 38 ochko bilan, 5-oʻrinda bormoqda.

• Futbol
• Xorij