Isroilning Quddus shahrida shaxmat boʻyicha milliy jamoalar oʻrtasida FIDE jahon chempionati davom etmoqda.
Oʻzbekiston terma jamoasi chorak finalda Ukrainaga qarshi dona surib, 2 ta raund (3:1 va 2,5:1,5) yakuniga koʻra gʻalaba qozonishdi.
Endi shaxmatchilarimiz bugun, 24-noyabr kuni yarim finalda Hindiston bilan bellashishadi. Ikkinchi yarim final juftligida esa Xitoy va Ispaniya shaxmatchilari bahs olib boradi.
Jahon chempionatida Oʻzbekiston milliy jamoasi sharafini GM Nodirbek Yoqubboyev, GM Javohir Sindarov, GM Jahongir Vohidov, GM Shamsiddin Vohidov, IM Abdimalik Abdisalimov va IM Ortiq Nigmatov himoya qilmoqda.
Shaxmatchilarimizga niderlandiyalik Ivan Sokolov sardorlik va murabbiylik qilyapti.
Avvalroq, Oʻzbekiston milliy jamoasi jahon chempionatining guruh bosqichida AQSh (2,5-1.5), Isroil (2,5-1,5) va Hindistonni (3,5-0,5) magʻlub etgan holda, Polsha (2:2) bilan durangga erishib, Ozarbayjonga (1,5-2,5) yutqazgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!