Жорий йил 18 март куни “Ҳудудгаз Самарқанд” газ таъминоти филиали “Тайлоқтумангаз” бўлимида газ-ҳаво аралашмаси портлаши ҳодисаси содир бўлганини ва воқеа ташкилот мансабдорлари томонидан “босди-босди” қилинаётгани ҳақида хабар берилган эди.

Аниқланишича, “Тайлоқтумангаз” бўлими мутасаддилари масалани “ортиқча шовқинсиз” бостириш мақсадида ўша куннинг ўзидаёқ ёнғин бўлган хизмат хонасини таъмирлаб қўйган.

Xabardor.uz ҳолат юзасидан вилоят ФВБ ҳамда ИИБ билан боғланди.

ФВБ Матбуот котиби Илҳом Боқиевнинг билдиришича, содир бўлган вазият юзасидан 18 март куни бўлимга ҳеч қандай хабар келиб тушмаган.

Вилоят ИИБ эса 4 нафар фуқаронинг соғлиғига таъсир қилган мазкур ҳодиса юзасидан Жиноят кодексининг тегишли моддалари билан жиноят иши қўзғатилганини, ҳозирда тергов ҳаракатлари олиб борилаётганини маълум қилди.

• ФВВ
• ИИБ
• Жиноят
• Самарқанд
• ёнғин