Халқ ардоғидаги хонанда Алишер Файз (Турдиев Алишер Баҳодирович) 1984 йил 27 январда Наманган вилояти, Чортоқ шаҳрида таваллуд топган. Ўзбекистонда хизмат кўрсатган артист Алишер Файз ҳақида қизиқарли фактларни тақдим этамиз.
— 1994-2001 йиллар давомида “Глиер” номидаги мусиқа мактабида дутор бас мутахассислиги бўйича тахсил олган.
— Озодбек Назарбеков ижодига бўлган қизиқиш Алишерни бўлажак устози ёнига етаклаб келган.
— 2001-2005 йилларда Ўзбекистон Давлат консерваториясида ўқиш билан бир қаторда устози кўмагида мустақил ижод қила бошлаган.
— Алишерни илк бор 2005 йил 15-16 май кунлари устози Озодбек Назарбеков “Юрагимда куйлаганим сен” деб номланган концерт дастурида катта саҳнага олиб чиқди ва шу дастурда у ўзининг “Мени кечир” номли таронасини ижро этган.
— 2007 йилда “Кўнгил истаб…” номли илк қўшиқлар тўпламини Алишер Файз тахаллуси билан мухлисларга тақдим этди.
— 2008 йил 21-22 май кунлари “Истиқлол” санъат саройида “Умидим сендан…” номли илк яккахон концерт дастури мухлислар олқишига сазовор бўлди.
— 2009 йилда “Нигоҳингга ол”, 2010 йилда “Сенга талпиниб”, 2011 йилда “Яхшиям сиз бор”, 2012 йилда “Сенинг болангман!”, 2021 йилнинг, декабрь ойида “Халқлар дўстлиги” санъат саройида “Юрак сўзи” деб номланган концерт дастурини тақдим этди.
— Алишер Файз уч фарзанднинг отаси. Ўғли Холидбек ва қизлари Зиннурахон, Ширин. Укаси Хуршид Турдиев ҳам хонандалик соҳасида фаолият юритади.
— Хонанда: “Ҳаёт – кичкина кўрпачага ўхшайди, бир томонини торсанг бошқа томони очилади…”, дейди ҳаёт тўғрисида.
— 2012 йил 27 август куни Алишер Файз Ўзбекистон Республикаси президенти фармони билан Ўзбекистон Республикасида хизмат кўрсатган артист унвони билан тақдирланди.

Хонандаликдан ташқари истеъдоди: шеър ёзади, бастакор;
Хоббиси: футбол тўпларини йиғиш;
Ёқтирган таоми: паловхонтўра;
Ёқтирган ранги: барча ранглар. Айниқса, оқ ва қизил;
Саҳнадаги одати: ҳаяжонланганидан қўли билан оёғини уриб туради;
Шиори: “Иш бошқа, ҳаёт бошқа”.

• Шоу-бизнес