Сайёҳлар Гватемаладаги Фуэго вулқонининг кратерига урилган чақмоқни суратга олишга муваффақ бўлди, деб хабар бермоқда “МИР 24”.Қайд этилишича, ноёб ҳодиса акс этган қисқа видео тезда интернетда тарқалган.

Вулқон чақмоқлари - бу оддий момақалдироқ билан эмас, балки отилишлар билан боғлиқ бўлган жуда кам учрайдиган ҳодиса. Кул зарралари манфий қувватни, сув буғи эса мусбат қувватни тўплайди. Бу чақмоқни келтириб чиқаради. Фуэго вулқони фаолияти туфайли Марказий Америка ва бутун дунёга маълум.

Бундан бир йил аввал, навбатдаги портлаш туфайли Гватемала ҳукумати юзлаб одамларни эвакуация қилишга мажбур бўлган. 2018 йилда эса 190 киши Fuegro қурбонига айланган эди.

• Вулқон
• chaqmoq