Жазоир Ғазо секторидаги оммавий қабрлар муносабати билан 7 май куни БМТ Хавфсизлик кенгашининг ёпиқ мажлисини ўтказишни сўради, деб ёзади “ТАСС” жаҳон ташкилотидаги манбага таяниб.
Қайд этилишича, 22 апрель куни “Ал-Жазира” телеканали Ғазо секторидаги Хон Юнис шаҳридаги Носир касалхонаси яқинидаги оммавий қабрдан 210 кишининг жасади топилганини хабар қилган. Қабрлар эса 20 апрель куни исроиллик ҳарбийлар Хон Юнисни тарк этгандан кейин топилган.
“Ал Jazeera” телеканали хабарига кўра, жасадлар Исроил ҳарбийлари томонидан касалхона ҳудудига кўмилган. “Ал Quds Al Arabi” газетасининг таъкидлашича, улар шу йўл билан жиноятларини яширмоқчи бўлган.
30 апрель куни БМТ Бош котиби Антониу Гутерриш мустақил терговчиларни анклавдаги оммавий қабрлар жойларига зудлик билан киришга чақирган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!