АҚШда Уолли лақабли аллигатор ғойиб бўлди. Унинг эгаси Жои Ҳенни таъкидлашича, уй ҳайвонига айланиб улгурган аллигатор Жоржия штатининг Брансуик шаҳрига саёҳат вақтида ўғирлаб кетилган. Йиртқич ҳайвон номаълум шахслар томонидан табиатга қўйиб юборилган, дея тахмин қилинмоқда.
Аллигатор эгасига депрессия ва саратон касаллигидан омон қолишда ёрдам берган. Уолли инсонлар билан қучоқлашишни яхши кўрарди.
Апрель ойи охирида Жои Ҳенни ижтимоий тармоқдаги “Уолли — инсонларни ҳиссий қўллаб-қувватлайдиган аллигатор” расмий гуруҳида пост қолдирди ва унда жонивор дўстини меҳмонга кетганида ўғирлаб кетишганини маълум қилди. Афсуски, қидирувлар ҳеч қандай натижа бермаган.
Кейинроқ маълум бўлишича, АҚШ Табиий ресурслар вазирлиги ходимлари Уолли ва яна 20 та аллигаторни ботқоқликка қўйиб юборган. Тахминларга кўра, бу ҳодиса Уолли ўғирлаб кетилган куни содир бўлган. Жои бундан хабар топгач, дўстлари билан ботқоқликка етиб келди, аммо қидирувлар бефойда эди. Табиий ресурслар вазирлиги ходими Ҳеннига айтганидек, энди Уоллини топишнинг имкони йўқ.
Жои Ҳенни ТikaqshТок тармоғида мухлислардан унинг дўстини қайтариб беришларини йиғлаб сўраган видеони жойлаштирди.
Аллигатор Уолли ва Жои Ҳенни дўстлиги тарихи
Ов ва балиқчилик ҳақидаги шоунинг собиқ бошловчиси Жои Ҳенни 2015 йилда Уоллини асраб олди ва аллигаторга “Эмоционал ёрдам берувчи ҳайвон” сифатида лицензия берди. Дастлаб ҳайвон кўп нарсадан қўрққан, сўнг тез орада унинг хатти-ҳаракати судралувчиларнинг одатий хатти-ҳаракатларидан фарқ қилишини пайқаган. Уолли қучоқлашишни, эгаси билан бирга вақт ўтказишни ва у билан бейсбол ўйинларига боришни яхши кўрарди.
2019 йилда Жоининг уч нафар оила аъзоси ва тўрт дўсти икки ҳафта ичида вафот этди. Аллигатор унга оғир депрессияни енгишга ёрдам берди. 2022 йилда унга простата саратони ташхиси қўйилганда ҳам Уолли орқали шифо топди. Аллигатор ҳақиқий уй ҳайвонидек эди, у ҳеч қачон атрофдагиларга тажовузкорлик қилмаган ва доим эгаси билан яхши муносабатда бўлган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!