Turkiyaning Konya shahri mezbonlik qilgan V Islom birdamligi oʻyinlari oʻz yakuniga yetdi. Bir necha kun davom etgan murosasiz bellashuvlarda 56 mamlakatdan tashrif buyurgan 4000 nafardan ortiq sportchi gʻoliblik uchun kurash olib bordi.
265 nafar sportchi bilan Konyaga tashrif buyurgan delegatsiyamiz yakunda 51 ta oltin, 42 ta kumush va 65 ta bronza, jami 158 ta medal bilan umumjamoa hisobida mezbon Turkiyadan soʻng ikkinchi oʻrinni egalladi!
Musobaqa davomida ogʻir atletika, dzyudo, sport kurashlari, yengil atletika, taekvondo, velosport, paralimpiya, gimnastika, qilichbozlik, kabi turlar salmoqli natija qayd etganini alohida taʼkidlash joiz.
Albatta, kikboksing, suzish, karate, stol tennisi, kamondan otish kabi qolgan sport turlarida ham oʻziga yarasha yuqori natijalar qayd etilib, qimmatli medallar qoʻlga kiritildi.
Shu tariqa, Konya-2021 Oʻzbekiston delegatsiyasi uchun eng yuqori koʻrsatkich qayd etilgan kompleks musobaqa sifatida tarixda qoldi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!