Ma’lumotlarga ko‘ra, Tojikiston Tashqi ishlar vazirligi o‘z fuqarolariga agar zarurat bo‘lmasa, Rossiya hududiga barcha turdagi transportlarda sayohat qilishdan vaqtincha voz kechishni tavsiya qildi. Tegishli bayonot vazirlikning rasmiy saytida e’lon qilindi.

26-aprel kuni Tojikiston Tashqi ishlar vazirligi saytida vazirlikda Rossiya elchisi Sergey Grigoryev bilan uchrashuv o‘tkazilgani haqida xabar e’lon qilingan. Unda aytilishicha, tomonlar so‘nggi bir necha hafta ichida Tojikiston fuqarolari Rossiya davlat chegarasini kesib o‘tishda duch kelgan qiyinchiliklarni muhokama qilgan.

Shuningdek, Tojikiston tomoni tojik fuqarolarining Rossiyaga kirishini asossiz rad etish holatlari keng tarqalib ketganidan xavotir bildirgan.

• Rossiya
• Tashqi ishlar vazirligi
• Tojikiston