Avvalroq, Jahon sog‘liqni saqlash tashkiloti (JSST) Xitoydan nafas olish yo‘llari kasalliklarining ko‘payishi va bolalarda pnevmoniya avj olishi bo‘yicha xavotir bildirib, mamlakat rasmiylaridan vaziyat bo‘yicha ma’lumot so‘ragan. Xitoyning Kasalliklarni nazorat qilish va oldini olish markazi va Pekin bolalar kasalxonasi JSST so‘rovnomasiga munosabat bildirgan.
Qayd etilishicha, Xitoyda bolalar orasida tarqalgan virusli epidemiyaga gripp, adenovirus, mikoplazma pnevmoniyasi va respirator-sinsitial virus kabi ma’lum patogenlar sabab bo‘lgan. Yangi virus sababli epidemiya kelib chiqqani haqidagi xabarlar asosga ega emas.
Pekin bu holatlarning ko‘payishi ma’lum patogenlar bilan bog‘liqligini ma’lum qilgan.
Avvalroq, The Telegraph nashri butun dunyo bo‘ylab odamlar va hayvonlar kasalliklarining tarqalishini kuzatuvchi ProMed tashkiloti ma’lumotlariga tayanib, Xitoy shimolida bolalarda noma’lum pnevmoniya o‘choqlari paydo bo‘lgani haqida yozgandi. Nashrning xabar berishicha, Xitoy shifoxonalari "kasal bolalar bilan to‘lib-toshgan" va pnevmoniya bilan kasallanish butun mamlakatda, shu jumladan Pekinda ham avj olgan.
Shundan so‘ng, JSST Xitoy shimolida, asosan, bolalarga ta’sir ko‘rsatadigan sirli pnevmoniya epidemiyasi haqida qo‘shimcha ma’lumotlarni bergan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!