Bugun Toshkent vaqti bilan 10-may kuni tonggi soat 05:00 da Florida shtati Jeksonvill shahri (AQSh)da start olgan UFC 249 musobaqasi o‘z yakuniga yetdi.  
Turnirining markaziy jangida Toni Fergyuson va Jastin Getji yengil vazn toifasi vaqtinchalik chempionligi uchun oktagonga chiqishdi.
5 raund davom etgan jangda ko‘pchilikning taxminlari o‘zini oqlamadi, aksincha bahs Jastin Getjining ustunligida o‘tdi. Beshinchi raundga kelib Toni zarbalar o‘tkazib yuborishi oqibatida hakam jangni to‘xtatib, texnik nokaut e’lon qildi.
“O‘zim kutgan jangni namoyish qila olmadim”, deydi Fergyuson. Jang uning uchun kutilmagan tempda o‘tganini ta’kidlar ekan, sportchi buyog‘iga mashg‘ulotlarni yanada kuchaytirishini aytib o‘tdi. 

Shu tariqa Jastin Getji yengil vaznning vaqtinchalik chempioniga aylandi. U navbatdagi jangini Habib Nurmagomedovga qarshi o‘tkazadi.