UFC prezidenti Dana Uayt 18-aprel kungi UFC 249 musobaqasida Habib Nurmagomedov rasman qatnashmasligini e’lon qildi.
Ushbu jang kechasida Toni Fergyusonga qarshi Habib Nurmagomedov chempionlik kamari himoyasi uchun oktagonga chiqishi kerak edi. Ammo sportchi koronavirus pandemiyasi sabab Rossiya hududidan chiqib keta olmaydi.
Ta’kidlanishicha, Toni Fergyusonga qarshi Jastin Getji jang qiladi.
“Jang bo‘yicha kelishuv imzolandi. 100 foiz aniq. U Yerning qaysidir burchagida bo‘lib o‘tadi. Fergyuson Getjiga qarshi. 18-aprel sanasidagi jang UFC’ning yengil vazn toifasidagi vaqtinchalik chempionlik kamari uchun kechadi”, deydi Uayt.
Shu tariqa Habib Nurmagomedov va Toni Fergyuson o‘rtasidagi jang beshinchi marta bekor qilindi.
Oldinroq Konor MakGregor Toni Fergyusonga qarshi jang qilishga rozi bo‘lgani haqida xabar berilgandi. Ammo UFC xabarida nega bu ikki juftlik o‘rtasida jang tashkillashtirilmaganligi to‘g‘risida hech qanday izoh berilmagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!