O‘zbekiston Oliy va o‘rta maxsus ta’lim vazirligi matbuot xizmati Xabardor.uz’ga ma’lum qilishicha, Toshkent davlat iqtodiyot universiteti rektori lavozimini Kongratboy Avezimbetovich Sharipov egallagan.
Bahodir Xodiyev Toshkent davlat iqtodiyot universiteti rektori lavozimidan ozod etilgan
Bugun – 5-noyabr kuni ijtimoiy tarmoqlarda – mahalliy blogerlarning telegram kanallari va ayrim internet nashrlarida “Narxoz” (Toshkent davlat iqtisodiyot universiteti) rektori Bahodir Xodiyev korrupsiya tufayli lavozimidan ozod etilganligi haqidagi xabarlar tarqaldi. Unga ko‘ra, prezident maslahatchilari Sherzod Kudbiyev va Abdujabbor Abduvohidov hamda DXX va prokuratura organlari vakillari boshchiligida o‘tkazilgan yig‘ilishda Bahodir Xodiyev Toshkent davlat iqtodiyot universiteti rektori lavozimidan ozod etilgan.
“Narxoz”da katta tozalash ishlari olib boriladi
Xususan, Kun.uz internet nashri tarqatgan xabarda aytilishicha, “yig‘ilishda oliy ta’lim muassasalari uyg‘onishi zarur ekanligi, bundan buyon qabul jarayonidan boshlab bitirish jarayoniga qadar ochiqlik va oshkoralik tamoyillari asosiy bo‘lishi, bunga qarshi chiqqanlarga esa qat’iy jazo ko‘rilishi, “Narxoz”da ham katta tozalash ishlari amalga oshirilishi ta’kidlangan.”
Yangi rektor universitetni rivojlantirishi kerak
Vazirlik vakilining aytishicha, Toshkent davlat iqtisodiyot universitetiga Bahodir Xodiyevning o‘rniga kelgan Kongratboy Sharipov universitetni rivojlantirish uchun rektor etib tayinlangan.
Bahodir Xodiyev haqidagi xabarlar bo‘rttirilgan
Shuningdek, u ijtimoiy tarmoqlarda “Korrupsiya urchigani tufayli “Narxoz” rektori ishdan olindi”, degan xabarlar bo‘rttirma axborot ekanligini aytdi.
Ma’lumot uchun: Kongratboy Sharipov shu vaqtga qadar Oliy va o‘rta maxsus ta’lim vazirining birinchi o‘rinbosari sifatida ishlab kelayotgandi. U 2019-yilning mayida Oliy va o‘rta maxsus ta’lim vazirining birinchi o‘rinbosari etib tayinlangandi. Kongratboy Sharipov 2017-2019-yillarda Toshkent shahridagi Turin politexnika universiteti rektori bo‘lgan. U shu vaqt davomida universitetni har tomonlama rivojlantirishga katta hissa qo‘shgan.
Bahodir Xodiyev esa 2016-yilning may oyidan buyon Toshkent davlat iqtisodiyot universitetiga rektorlik qilib kelayotgandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!