UFC 18-aprel kuni bo‘lib o‘tishi rejalashtirilgan musobaqasini bekor qildi. Bu haqda tashkilot rasmiy saytida xabar berilgan.
Qayd etilishicha, UFC 249 turniri noma’lum sanaga qoldirilgan. Dunyo bo‘ylab tarqalgan koronavirus pandemiyasiga qaramay UFC prezidenti Dana Uayt musobaqa uchun joy topganini e’lon qilgandi. Ammo oxir-oqibat musobaqa o‘tkazilmaydigan bo‘ldi.
“Musobaqani o‘tkazishga tayyor edik, lekin yuqori darajadagi shaxslardan qo‘ng‘iroq bo‘ldi. To‘xtashimiz kerakligi aytildi”, deydi UFC prezidenti.
Eslatib o‘tamiz, UFC 249 musobaqasining asosiy jangi Habib Nurmagomedov va Toni Fergyuson o‘rtasida bo‘lib o‘tishi xabar berilgandi. Lekin Habib koronavirus sabab Rossiyadan chiqib keta olmasligi ma’lum bo‘lgach, uning o‘rniga Fergyuson bilan Jastin Getji jang qilishi belgilandi. Keyinchalik ushbu turnir Kaliforniya shtati Lemur shahridagi “Tachi Palace Casino” arenasida bo‘lib o‘tishi haqida ma’lum qilingandi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!