Bugun, 9-aprel kuni O‘zbekiston Prezidenti tomonidan yuborilgan gumanitar yordam Dushanbega yetib keldi, deb yozmoqda Asia-plus.

Insonparvarlik yordami 18 vagondan iborat. Ularning tarkibida ming tonna un, antiseptik va dezinfektsiyalash vositalari, tibbiy xalatlar, tibbiy qo‘lqoplar, niqoblar, baxilalar, respiratorlar, tibbiy ko‘zoynaklar mavjud.

Ta’kidlanishicha, gumanitar yordamni Tojikiston bosh vazir o‘rinbosari Azim Ibrohim va sog‘liqni saqlash vaziri Nasim Olimzodalar kutib olishgan.

Eslatib o‘tamiz, O‘zbekiston avvalroq Qirg‘iziston va Afg‘onistonga insonparvarlik yordamini yuborgandi.