UFC prezidenti Dana Uayt kecha, 24-aprel kuni ESPN telekanaliga bergan intervyusida UFC 249 musobaqasi 9-may kuni o‘tkazilishini e’lon qildi.  

Florida shtatidagi “VyStar Veterans Memorial Arena”da bo‘lib o‘tadigan tadbirning asosiy jangi Toni Fergyuson va Jastin Getji o‘rtasida yengil vazn toifasidagi vaqtincha chempionlik kamari uchun kechadi.

Shuningdek, kechaning asosiy kardidan yana bir yulduzli jang o‘rin olgan bo‘lib, unda o‘ta yengil vazn toifasida dunyo birinchiligi uchun Genri Sehudo Dominik Kruzga qarshi jang qiladi.

Qayd etilishicha musobaqaning asosiy kardidan quyidagi juftliklar o‘rin olgan:

Fransis Ngannu – Jairzino Rozenstruyk;

Donald Serrone – Entoni Pettis;

Jeremi Stivens – Kelvin Kattar;

Greg Hardi – Yorgan De Kastro.

Eslatib o‘tamiz, UFC 249 musobaqasi 18-aprel kuni Nyu-Yorkda bo‘lib o‘tishi rejalashtirilgandi, ammo musobaqa koronavirus sabab qoldirilgandi. Promoushen turnirni boshqa joyga ko‘chirishga urinib ko‘rdi, biroq siyosiy bosim ushbu tadbirning ham qoldirilishiga olib keldi.