BYD автомобиль бозорида янги “уруш” бошламоқда. Компания тўлиқ қувватда 2000 км масофа захирасига эга, 100 км учун 2,9 литр ёқилғи сарфлайдиган автомобиллар ишлаб чиқаришни режалаштирмоқда.

BYD яқин вақтларда ўзининг янгича e-Platform 4.0 технологиясини тақдим этишни бошлаган. Бу тизим компания автомобилларига кам сарфлаб, кўп масофа босиб ўтиш имкониятини тақдим этиши кўзда тутилган. Жумладан янги технологиялар орқали BYD 100 км масофага атиги 2,9 литр ёқилғи сарфлаши ва тўлиқ ёқилғи баки ва ток билан тахминан 2 минг км масофани босиб ўтиш имконини берувчи гибрид автомобилларини ишлаб чиқмоқчи.

Компаниянинг асосий мақсади бу орқали бензинли автомобиллар бозорида янги “уруш бошлаш”. BYD келгуси 3 йил давомида мазкур лойиҳани амалга ошириб, нафақат электромобиллар бозорида, балки бензинли автомобиллар бозорида ҳам етакчиликни қўлга киритишни режалаштирган.

• Автомобил
• BYD