Сингапур Миллий университети соғлом кексайиш ва озиқ-овқат қўшимчалари бўйича етакчи тадқиқотчиси Андреа Маер таъкидлашича, жисмоний фаоллик ва спорт ҳаёт давомийлигини таъминлашнинг асосий омили ҳисобланади.

Олима уқтиришича, киши уйда ёки тоза ҳавода мунтазам спорт билан шуғулланиши, гимнастика машқларини бажариши керак.
– Бундай машқлар инсон организмидаги тўқималар ишини, модда алмашинувини яхшиловчи турли кимёвий аралашув жараёнини тезлаштиради, – дейди мутахассис. – Жисмоний юклама суякни мустаҳкамлайди. Бу кексаликнинг охирги давригача фаоллик сақланиб қолишини таъминлайди.

Эксперт фикрича, узоқ ва соғлом ҳаётга етакловчи яна бир муҳим омил тўғри овқатланиш. Узоқ яшовчиларнинг асосий парҳез таоми ловия, турли хил дуккакли ўсимликлар, мева, сабзавот, ўт ва уруғ ташкил этади. Кўп умр кўриш учун уйқу тартибига ҳам амал қилиш зарур. Яъни, бир кунда етти-тўққиз соат ухлаш, доимий уйқу ва уйғоқлик жадвалига амал қилиш лозим.

Зеро, сўнгги тадқиқот бир вақтда уйқуга кетиш ва уйғониш организмга саккиз соатлик уйқудан кўра кўпроқ фойда беришини исботлаган.

• саломатлик