27-mart kuni “Davlat ta’lim standartlari va davlat ta’lim talablarini ishlab chiqish hamda joriy etish tartibini takomillashtirish chora-tadbirlari to‘g‘risida”gi Hukumatning 157-sonli qarori qabul qilingan. Qaror bilan birgalikda Davlat ta’lim standartlari va davlat ta’lim talablarini ishlab chiqish hamda joriy etish tartibi to‘g‘risidagi nizom ham tasdiqlangan.

“2024-yil 1-oktyabrgacha ta’lim sohasidagi atamalarning xalqaro darajada qabul qilingan atamalarga muvofiqligini ta’minlagan holda “Uzluksiz ta’lim tizimining izohli i” ishlab chiqiladi”, – deyiladi xabarda.

Davlat ta’lim standartlari, davlat ta’lim talablari, o‘quv reja va dasturlarini ishlab chiqishda quyidagilar inobatga olinadi:

- tegishli ta’lim bosqichi yakunida ta’lim oluvchilarda shakllanishi lozim bo‘lgan kompetensiyalarni davlat, jamiyat va mehnat bozori talablarini inobatga olgan holda belgilash;

- ta’lim turlari uzluksizligi va uzviyligini ta’minlash, maqsad va vazifalarni ta’lim natijadorligiga yo‘naltirish;

- ta’lim oluvchilarda atrof muhitni asrab-avaylash va muqobil energiya manbalaridan samarali foydalanish mas’uliyatini shakllantirish.

Nizomda ta’lim natijalarining xalqaro miqyosda tan olinishini ta’minlash maqsadida O‘zbekistonda mavjud ta’lim turlari UNESCOning “Ta’limning xalqaro standart tasniflagichi” darajalari bilan muvofiqlashtirilishi hamda 1-avgustgacha dts.uz – Davlat ta’lim standartlari va davlat ta’lim talablarining yagona ochiq muhokama portali ishga tushirilishi belgilangan.

• Qaror
• lug‘at