Avtomobilsozlik Xitoy sanoatining eng muhim sektorlaridan biri hisoblanadi. Mamlakat YIMining o‘rtacha 10 foizi uning hissasiga to‘g‘ri keladi.
So‘nggi 10-yil ichida Xitoy avtomobil ishlab chiqarish hajmi bo‘yicha dunyoda yetakchilik qilmoqda. 2022-yilda 27 mln avtomobil ishlab chiqarilgan (AQSh –10,1 mln, Yaponiya – 7,8 mln) bo‘lib, jami avtomobil ishlab chiqarishning 39 foizi Xitoy ulushiga to‘g‘ri keldi.
Xitoy elektromobil va gibrid mashinalarni ishlab chiqarish va sotishda ham yetakchi hisoblanadi. 2022-yilda dunyo bo‘yicha eng ko‘p sotilgan elektr va gibrid dvigatelli avtomobillar o‘ntaligida Xitoyning 7 ta modeli ham bor edi.
2018-2022-yillarda Xitoy va Markaziy Osiyo avtomobil sanoati mahsulotlarining tashqi savdosi 3 baravar oshdi, shundan o‘rtacha 40,4 foizi O‘zbekiston, 39,4 foizi – Qozog‘iston, 7 foizi –Qirg‘iziston, 6,7 foizi –Turkmaniston va 6,3 foizi – Tojikiston hissaga to‘g‘ri keldi.

• Avtomobil
• Xitoy