Қозоғистондаги клиникаларда сунъий уруғлантириш дастурлари нархлари Европа мамлакатларига қараганда анча паст ва мамлакат қонунчилиги бола туғиш учун суррогат она хизматини танлаган турмуш қурган жуфтликларга нисбатан талаблар қўяди, деб ёзади “Закон.кз”.

Бу ерда суррогатлик қатъий тартибга солинган ва ўз фигурасини бузишдан қўрққан аёллар учун бу хизмат амалга оширилмайди. Қонунга кўра, суррогат онанинг хизматларидан фақат қуйидаги шартларга жавоб берадиган эр-хотинлар фойдаланиши мумкин: никоҳи расмий рўйхатдан ўтган, бепушт, физиологик жиҳатдан болани кўтаришга ва туғишга қодир бўлмаган аёллар.

Тахминларга кўра, қозоқ аёллари 4,5 минг АҚШ долларидан 20 минг АҚШ долларигача бўлган нарх оралиғида бундай хизматни тақдим этишга тайёр.

Суррогат онани топишнинг иккинчи варианти - репродуктив тиббиёт клиникалари. Тасдиқланган суррогат оналар маълумотлар базасида аёллар 6,6 минг АҚШ долларидан 16 минг АҚШ долларигача ушбу хизматни тақдим этиши ёзилган.

• Бепуштлик
• саломатлик