“Anonymus” хакерлар гуруҳи Россия фуқаро авиацияси маъмурияти серверларига бузиб кирди. Бу ҳақда гуруҳ Twitter саҳифасида маълум қилинган.

Қайд этилишича, “Anonymus” Россия Федерациясига тегишли 65 терабайт маълумотни  ўчириб ташлаган.

Таъкидланишича, Федерал ҳаво транспорти агентлигида маълумотларнинг захира нусхаси мавжуд бўлмаган.

Эслатиб ўтиш мумкин, “Anonymous” хакерлари бир неча ҳафта аввал Россия Президенти Владимир Путинга қарши уруш очганини маълум қилган.

Хакерларнинг сўзларига кўра, улар аллақачон Россия Мудофаа вазирлиги мансабдор шахсларининг электрон почта манзиллари ва паролларини бузиб, оммага ошкор қилган ва энди РФ президенти ва шерикларининг барча “кирдикорларни” шахсан ошкор этиш ниятида эканини айтиб, Путиннинг истеъфосини талаб қилган эди.

• Anonymus
• Россия
• авиация
• xaker